Qudauncz

Despé qoeuq anaéy d'ela, la couteürr bertonn est vrae reconeü e ben dez consorteriy cherchan a la pormóvae a lór faèczon. Maen ça va ti durae ? Le mondd a desja un petit remaerchae qe n'a meityaer mein de mondd daun lez rigedaud. Lez estórór de la couteürr bertonn, deü berton e pé deü galo, il on de sonjae daun organizae lórz alivetae com il faut, a ne poént adirae lez bonn jantz qi peiss a la mesmetae bertonn anoet. Tertótz lez consorteriy demaundan de l'àerjant ez poeir rejionau, departemantau ó ben a l'estat fraunczeiz. Maen ça va ti durae etó ? Desfion nóz don un petit ! Mestaviz qe c'est vrae gaundhilhóz d'óvraijae de mesm e d'y estr tenaunt a esspeirae un petit de pus de monei. Si c'est qe lez ciuns de Paris ne vyoelan pus ói contauncz dez couteürr-la, cez eslij-la n'ariveron pus. Je sei daun l'idaéy de s'ageróae o le mondd qi vyoelan un graund Conseilh Politiq Berton pór ne poent veir la couteürr e lez laungg bertonn cheir a bas.

Hugues cottet